نحترم خصوصيتك وما نهدف نستغل بياناتك لأي غرض تجاري أو إعلاني. هالصفحة توضّح بإختصار إيش اللي نجمع، ليش، وإيش اللي ما نعمله.
عند تسجيل الدخول عبر Google، الموقع يستلم من Google معلومات أساسية عنك: معرفك عندهم، الاسم، والبريد الإلكتروني إن وافقْتَ على إعطائه. هالمعلومات نستخدمها فقط عشان نعرّفك كمصوّت واحد، ونربط أصواتك بحسابك، ونتأكد إنك ما تصوّت أكثر من مرة في نفس المادة. ما نشارك هالبيانات مع أي طرف ثالث ولا نبيعها ولا نستخدمها لإرسال إعلانات أو بريد مزعج.
التعليقات اللي تكتبها على صفحات المدرسين تظهر علناً مع اسمك كما يظهر في حساب Google. إذا حاب تحذف تعليق أو تغيّر اسم العرض، تواصل معنا ونقدر نساعدك حسب الإمكان.
رسائل «تواصل معنا» اللي ترسلها (الاسم، البريد، الموضوع، النص) نستقبلها ونحفظها في قاعدة البيانات ونتعامل معها داخل فريق الإدارة فقط. ما نمرّرها لأي جهة خارجية ولا نستخدمها إلا للرد عليك وحل استفسارك.
النسخ الاحتياطية اللي نأخذها من الموقع (مثل نسخ الأصوات والجداول) تُخزّن على السيرفر ونحتفظ بها لأغراض استعادة البيانات في حال حدوث عطل. الوصول لها من لوحة الإدارة فقط وليس من أي طرف خارجي.
نستخدم تقنيات مثل reCAPTCHA في صفحة التواصل واقتراح مدرس لتقليل البوتات والرسائل الوهمية. هذي الخدمة تتبع سياسة خصوصية Google ونحن لا نتحكم بالبيانات اللي تذهب لهم عند التحقق.
إذا غيّرنا شيء في طريقة تعاملنا مع البيانات أو في هالسياسة، سنحدّث النص هنا. ننصح إنك تراجع الصفحة بين فترة وفترة. استمرارك في استخدام الموقع بعد التعديل يعني موافقتك على النسخة المحدثة.
لأي سؤال عن الخصوصية أو عن بياناتك، استخدم صفحة التواصل واكتب لنا ونرد عليك بأقرب وقت.